ФФМ Младинска У-15 лига: Охриѓани убедливи на гостувањето во Дебар

ФК ОХРИД ТОП ТИМ (2002)

Попладнево, на градскиот стадион во Дебар, екипата на ФК ОХРИД ТОП ТИМ гостуваше на екипата на Кораб од Дебар каде се одигра првенствен натпревар од Младинската У-15 лига - Езерски регион. Охриѓани одиграа одличен и ефикасен меч и ја забележаа првата победа во рамките на новото натпреварување. Уште во првото полувреме „Белите“ покажаа класа и постигнаа четири погодоци во мрежата на домаќинот, за во вториот дел да го зголемат водството на 0:6. Пред самиот крај на натпреварот, нашите фудбалери се опуштија што резултираше со еден погодок од најстрога казна и еден од игра за дебрани и конечни 2:6. За одбележување е ефикасната игра на Енис Дани кој постигна пет погодоци за охриѓани, а еднаш во листата на стрелци се запиша и Петар Војдиноски.

---

ФК КОРАБ ​Дебар	2 : 6 (0 : 4)	ФК ОХРИД ТОП ТИМ ​Охрид
​1   Амети Едуард 3   Егриу Али 4   Каба Виган 5   Јани Енѓел 7   Кадриоски Анес 8   Иметовски Сејфула 9   Папранику Јетмир 10 Марке Скендер 11 Трапи Адис 17 Јајага Ербљин 18 Франгу Мунир 6   Перо Есат 14 Јани Бленди	Градски стадион во Дебар Почеток: 12 часот Судии: ​Колеци Ринор (Дебар) Пиперку Бесар (Дебар) Пачуку Крешник (Дебар) Делегат: ​Лутфиу Илир (Дебар)	​1  Целески Николче 3  Љушкоски Петар 4  Дуница Емре 6  Иваноски Алек 7  Гиновски Климент 9  Крстески Стефан 10  Алијашар Екрем 13  Дани Енис (5 гола) 15  Војдиновски Петар (1 гол) 17  Речкоски Теодор 71  Јаневски Валентин 61  Митрески Стивен