Јанкулоски: наградата „Најдобар спортски работник“ за 2015 ја посветувам на сите млади фудбалери28/12/2015  Сојузот на спортови на град Охрид денес ги прогласи најдобрите за 2015 година. На наше големо задоволство, една од најпрестижните награди, признанието за спортски работник на годината заврши во рацете на г-н Наумче Јанкулоски, координатор на ФФМ Детската фудбалска лига и тренер на ФК ОХРИД ТОП ТИМ Охрид. „Оваа награда е само една потврда на еден мошне успешен проект како што е ФФМ Детската фудбалска лига. Предизвикот да се работи на еден ваков благороден проект безрезервно го прифативме со колегата Александар Трајков со искрена и единствена желба да дадеме придонес кон збогатување на спортскиот и фудбалскиот живот во Охрид и да им се исполни желбата на младите да се занимаваат со спорт и за фудбалско натпреварување во еден организиран систем. Започнавме скромно организирајќи турнирски систем на натпревари со сите фудбалски школи од Охрид, Струга и Дебар, за денес сите заеднички да бидеме дел од најмасовниот спортски настан што се организира во Југзападниот регион. Поддршката од ФФМ стануваше се поголема со секоја измината сезона, па така, денес имаме официјално спортско натпреварување под капата на федерација која воедно ги помага сите екипи што се дел од овој голем проект со спортска опрема. За илустрација, во текот на минатата календарска година се изиграа околу 500 фудбалски натпревари во рамките на лигата на кој учествуваа над 500 регистрирани млади фудбалери од нашиот регион. Голема поддршка во организирањето на оваа спортска манифестација имавме и од Општина Охрид и ЈП Билјанини извори кои секогаш излегуваа во пресрет на охридските екипи кои ги организираа домаќинствата или при организирање на регионалните завршни турнири. Чувствувам обврска да им се заблагодарам и на сите екипи што се дел од овој убав спортски проект и на крај, сакам да ја посветам оваа награда на сите млади фудбалери од нашиот регион што се натпреваруваат во ФФМ Детската лига. Оваа награда е само поттик за уште попосветена работа.“ изјави Наумче Јанкуловски, координатор на ФФМ Детската фудбалска лига – Југозападен регион. Успехот е неизоставен дел од искрената и посветена работа. Ова признание е само мотив плус за уште поголем придонес кон развојот на спортскиот живот во нашиот град. Честитки до нашиот тренер и му посакуваме уште поголеми лични и професионални успеси.  Прекрасен декемвриски ден во кој „Белите“ го одржаа последниот фудбалски тренинг во оваа календарска година. Нашиот клуб приреди уште едно големо изненадување за најмладите членови на фудбалската школа – подарок нова гарнитура дресови за сите играчи од генерација 2005, 2006, 2007 и 2008/09. Најзаслужни за тоа се патничката агенција Охрид Травел која од денес е нов член во нашето веќе големо фудбалско семејство. Нивната доверба кон нашата искрена и неуморна работа ја покажаа преку нивната несебична донација на 33 нови гарнитури дресови во белата боја на Охрид кои нашите фудбалери ќе ги носат на сите натпреварувањa во кои настапуваат. Охрид Травел е основана 1979, а од 2003 ја водат семејствата Наумоски и Димоски, кои иако далеку од Охрид, во Клифтон Њу Џерси, сепак не забораваат да го поддржат охридскиот спорт и најмладите охридски спортисти. Тие ја дадоа нивната поддршка за она што го работиме, а ние топло ги препорачуваме на сите оние кои им требаат квалитетни, конкурентни и сигурни туристички и патнички услуги на релација САД – Европа. Голема благодарност до нив во името на сите наши фудбалерчина.  Погледнете ја галеријата на слики од денешниот ден кој беше искористен и за една мала фотосесија со нашите фудбалери.  „Белите“ денес одиграа два нови пријателски натпревари во спортската сала „Билјанини извори“ во Охрид. Наши гости беа екипата на ФК Велешта со генерација 2002 и 2004. Воведниот натпревар го играа генерација 2004. Добрата игра во првото полувреме на нашите фудбалери беше неутрализирана од гостите во вториот дел, кога „Белите“ примија дури 6 гола и натпреварот заврши со конечни 1:6 за Велешта. Она што не им одеше од рака на помладите, го направија поголемите. Одличната игра против есенскиот шампион во ФФМ Детската лига беше крунисана со убава и сигурна победа од конечни 2:0 за ФК ОХРИД ТОП ТИМ. Моменти од фудбалскот дружење со нашите пријатели од ФК Велешта може да погледнете на галеријата со слики од денешниот ден. Нов викенд, ново фудбалско дружење. Добрата екипа на ФК Фљамуртари Радолишта денес беше гостин на ФК ОХРИД ТОП ТИМ. Во салата Билјанини извори во Охрид се одиграа 3 пријателски натпревари помеѓу комбинираните состави на двете екипи со фудбалери од генерација 2005, 2006 и 2007. Повторно следевме одличен и цврст фудбал со многу голови и убава игра. Радолиштани ги добија првите два натпревари, додека третиот натпревар заврши во корист на Охриѓани. Убавата и пријателска атмосфера само го надополни уживањето на сите фудбалери и на сите присутни во салата. Утре, продолжуваме со нови фудбалски возбудувања. Овој пат, наши гости на „Билјанини “ ќе бидат ФК Велешта со генерација 2002 и 2004.  Охриѓани викендов беа домаќини на струшки Караорман со кои одигравме неколку пријателски натпревари во повеќе возрасни категории во Спортската сала „Билјанини извори“ во Охрид. Двете екипи ни приредија одлични фудбалски претстави по вкус на вистинските фудбалски сладокусци. Многу голови, спортска неизвесност, возбудувања и атрактивен фудбал, како што доликува на реномето на двете екипи. Она што е најважно, сите натпревари се играа во извонредно коректна и пријателска атмосфера, а на крај победи фудбалот и другарството. Беа постигнати следните резултати:
 Уште еден ден исполнет со многу фудбал, дружење и убаво расположение, како што впрочем и навикнавме со нашите момци. „Белите“ беа гости на нашите пријатели - ФК Фљамуртари во Струга и ФК Велешта во Велешта. Се одиграа неколку пријателски натпревари во максимално спортска и пријателска атмосфера. Домаќините се погрижија сите натпревари да поминат во најдобар ред, а младите фудбалери од сите екипи возвратија со одлични и возбудливи фудбалски партии, многу голови и убави фудбалски потези. Беа постигнати следните резултати:
|
НОВОСТИ
ФК ОХРИД
|
RSS Feed
