ФК ОХРИД ТОП ТИМ

Викендов на СРЦ Билјанини извори во Охрид се одиграа натпреварите од второто пролетно коло на ФФМ Детската фудбалска лига – Југозападен регион. Екипата на ФК ОХРИД ТОП ТИМ беше домаќин и организатор на колото кое протече во најдобар ред.

Серијата натпревари започна со мечот ФК ОХРИД ТОП ТИМ – ФК АС Јунајтед Струга во генерација 2002. Нашите момци натпреварот го одиграа под очекувањата и квалитетот кој го имаат. Иако успеавме да постигнеме два погодоци, сепак на моменти недисциплинираната игра се одрази на конечниот резултат од 2:6 во корист на стружани.

Највозбудливиот натпревар го играа нашите од генерација 2004 во дербито со екипата на Велешта. Натпреварот започна лошо за нашите момци кои најпрво примија гол по една грешка во одбраната, а потоа гостите го дуплираа водството со помош на правилото „три корнери – пенал“. Сепак нашите не се откажуваа и успеаа да го изедначат резултатот на 2:2, за по второто водство на гостите да направат целосен пресврт и на крај и повеќе од заслужено да го добијат натпреварот со конечни 4:3.

Генерација 2005 одигра тврд натпревар против врсниците од екипата на ФК Велешта. Иако на два пати ја погодивме мрежата на противникот, сепак, грешките во нашата одбрана придонесоа за натпреварот минимално да го загубиме со конечни 2:3. Особени честитки заслужува играта на генерација 2006 која се натпреварува како Б екипа во генерација 2005 против еден од фаворитите за освојување на завршниот турнир – екипата на радолишки Фљамуртари. Во еден крајно неизвесен и одличен меч, „Белите“ пружија силен отпор и му создаваа проблеми на противникот, кој со погодок пред крајот на натпреварот се радуваше на минимална победа од 0:1.

​Генерација 2007 одигра два преубави натпревари против охридските екипи Академија Пандев 10 и Евро фудбал 2 Вардар. „Белите“ доминираа на двата меча кои на крајот убедливо ги добија со 4:0. Како предигра на овие натпревари, ревијален натпревар одигра и генерација 2008 со нивните врсници од Академија Пандев 10 Охрид.

Денес започна пролетниот дел од ФФМ Детската фудбалска лига – Југозападен регион. Фудбалерите на ФК ОХРИД ТОП ТИМ одиграа неколку ефикасни натпревари во кои забележаа неколку убави победи.

Особено ефикасно одиграа момците од ген. 2004 кои во еден извонредно лесен натпревар за нив ја декласираа екипата на ФК Академија Пандев 10 Б од Охрид со 16:0. Добар натпревар со повеќе постигнати голови одигра и ген. 2008 со екипата на ФК Евро фудбал 2 Вардар каде нашите фудбалерчина остварија сигурна победа од 3:1. Малку повозрасните играа одлично „Езерско“ дерби со струшки Караорман. Иако до крајот на натпреварот нашите имаа водство од 1:0, сепак, во последните минути од натпреварот гостите со два брзо погодоци го свртеа натпреварот во нивна корист за конечни 1:2.

Пофалби за борбената и убава игра заслужуваат и момците од ген. 2005 кои иако два пати стрелаа во мрежата на ФК Кораб од Дебар, минимално беа поразени со 2:3, при што дебарчани еден од погодоците го постигнаа со некарактеристичното фудбалско правило, три корни – пенал. Добар и силен меч одигра и ген. 2006 која се натпреварува во повозрасна категорија (2005) во уште едно „Езерско“ дерби против струшки Караорман. „Белите“ доминираа на почетокот на натпреварот и остварија неколку „чисти“ шанси кои не ги искористија. На средината на полувремето, нашите не искористија и удар од белата точка, по што како по правило, следеше казна и водство на противникот. Веднаш потоа, беше досуден пенал за стружани со нефудбалското правило „три корни – пенал“ за зголемување на водството. Тоа значително вилјаеше на расположението и играта на нашите момци кои до крајот на натпреварот успеаа да постигнат погодок за конечни 1:4.

​Генерација 2006 во првото пролетно требаше да игра натпревар со нивните врсници од охридски Евро фудбал 2 Вардар кои не се појавија на закажаното место и закажаниот термин за одигрување на натпреварот. Слободниот „простор“ беше искористен за пријателски меч со ген. 2006 од струшки АС Јунајтед во кој „Белите“ четири пати стрелаа за убедлива победа од 4:0.

​Честитки за сите наши фудбалери кои ги бранеа боите на нашиот клуб, нивното залагање и нивната ефикасна игра.

Денес на СРЦ Билјанини извори, на теренот со вештачка трева, ФК ОХРИД ТОП ТИМ одигра неколку натпревари во У-11 и У-9 возрасни категории на еднодневниот турнир што го организираше ФК Оск Фер Плеј. Студеното време кое не им беше наклонето на младите фудбалери не ги поколеба да понудат одличен и возбудлив фудбал.

Нашите најмлади момци кои во комбиниран состав од ген. 2007/08 се натпреваруваа во У-9 возрасна категорија покажаа дека можат да се носат со многу силни противници. Одиграа одлични мечеви против битолски Топ гол и ФК Скендербег од Корча Албанија, а особено за истакнување е мечот со скопски Вардар на кој во листата на стрелци се запишаа Максим Наумоски и Мартин Мајкиќ.

Малку повозрасните, комбинираната екипа од ген. 2006 и 2005 играа против исклучително добрата екипа на ФК Скендербег од Корча, Албанија и против добриот тим на ЛГ од Битола. Меѓутоа, најдобриот натпревар овие момци денес го одиграа со Евро фудбал 2 Вардар од Охрид на кои им се реваншираа за поразот пред два дена и со погодокот на Давид Кузманоски ги совладаа со 1:0.

​Со тоа, ФК ОХРИД ТОП ТИМ ги заокружи подготовките за пролетната полусезона во ФФМ Детската лига во која нашите фудбалери ги очекуваат уште многу нови возбудувања.

Вчера и денес „Белите“ одиграа неколку квалитетни пријателски натпревари со кои се привршуваат подготовките пред почетокот на пролетната полусезона на ФФМ Детската фудбалска лига.

Петокот, комбинирана екипа на ген. 2006 (У-12) засилена со тројца играчи од 2005 на ОХРИД ТОП ТИМ одигра убав меч со ген. 2005 (У-13) на охридски Евро фудбал 2 Вардар. Резултатот (0:3) не ја отсликува реалната ситуација на терен. Нашите покажаа дека не само што можат да се надигруваат со противникот, туку во добар дел од натпреварот имаа контрола на играта и доминираа во нападот, но нашата неефикасност не ни дозволи да се радуваме на поволен резултат.

Денес, „Белите“ одиграа уште неколку пријателски натпревари во повеќе возрасни категории против силната екипа на Велешта. Најпрво, ген 2005 на ОХРИД ТОП ТИМ беше поуспешна од нивните врсници од Велешта во натпреварот кој го добивме со 5:2. Генерација 2004, иако четири пати стрелаше во мрежата на противникот, потфрли на мечот со врсниците од Велешта и беше поразена со 4:9. Пресудна беше лошата и неодговорна игра на нашите во второто полувреме кога примија дури шест гола.

Одлично издание имаа У-14 од ФК ОХРИД ТОП ТИМ кои го надиграа  есенскиот шампион на ФФМ Детската лига, екипата на ФК Велешта. Првото полувреме нашите создадоа неколку добри прилики кои не успеавме да ги искористиме, што беше најава за уште подобрата игра во вториот дел. Веднаш по паузата нашите започнаа уште поофанзивно и постојаниот притисок кон противничкиот гол резултираше со два погодоци во противничката мрежа за натпреварот да заврши со сигурни 2:0 во корист на охриѓани.

​Утре не очекуваат уште неколку добри и силни натпревари во ген. 2005 и 2007.

Почнувајќи од утре, па се до недела, нашите фудбалери ги очекува богат и возбудлив спортски викенд во кој ќе се одиграат неколку фудбалски натпревари во повеќе возрасни категории. Со тоа, „Белите“ ќе ги заокружат подготовките пред почетокот на ФФМ Детската лига.

Погледнете го распоредот на натпревари за викендов:


ПЕТОК    (15.00 ч.)
ФК ОХРИД ТОП ТИМ (2006/05) - ФК Евро фудбал 2 Вардар Охрид (2005)


САБОТА   (12.00 ч.)
ФК ОХРИД ТОП ТИМ - ФК Велешта (2002)
ФК ОХРИД ТОП ТИМ - ФК Велешта (2004)
ФК ОХРИД ТОП ТИМ - ФК Велешта (2005)

Ген. 2005

Ген. 2007

Првопласирените три екипи продолжуваат во четвртфинале и играат по систем на елиминации.

Одличен фудбал ... многу голови ... другарување ... забава. Ова би било кратко резиме на денешното патување во Скопје, каде охридските „Бели“ одиграа неколку пријателски натпревари со скопски Њу Старс во генерација 2002, 2005 и 2006. Во одлични услови за фудбал и максимално наклонети временски услови, двете екипи одиграа мошне возбудливи и ефикасни натпревари каде уживавме во одличен фудбал со многу атрактивни акции и голови.

​Охриѓани беа подобри во ген. 2002 каде со головите на Албнор Каба и Енис Дани кои постигнаа по еден хет трик остварија победа од 6:4. Генерација 2006 играа убав фудбал во еден добар и цврст натпревар, но погодоците на Мухамед Сеидоски и Валентин Блажески беа недоволни за позитивен резултат, па натпреварот заврши со 2:4 во корист на Скопјани. „Жолтите“ беа подобри во ген. 2005 со вкупни 8:2. Два пати за ОХРИД ТОП ТИМ на овој натпревар стрелаше Амар Садикоски, додека нашите не искористија и неколку добри шанси.

Веднаш по натпреварите нашите момци отидоа на заедничко дружење и ручек во Градски парк, за убавиот ден да го затвориме со заедничка прошетка во Скопје Сити Мол.

​Должиме благодарност до нашите домаќини екипата на ФК Њу Старс од Скопје кои прифатија да одиграат неколку натпревари со нас, обезбедија одлични услови за игра и помогнаа нашето патување да помине во најдобар ред.

ФК ОХРИД ТОП ТИМ во недела (06.03.2016) ќе патува за Скопје каде ќе гостуваме на нашите пријатели ФК Њу Старс со кои ќе одиграме неколку пријателски фудбалски натпревари во повеќе возрасни категории.

Не" очекува убаво патување и уште едно фудбалско дружење со нашите другари од Скопје.

Натпреварите ќе се играат на стадионот „Македонси лавови“ во скопската населба „Ѓорче Петров, во недела, со почеток од 11.30 часот.