ФК ОХРИД ТОП ТИМ

Пријателски натпревар
ФК ОХРИД ТОП ТИМ Охрид - ФК Велешта Велешта
Генерации: 2002 и 2004
Место: СРЦ Билјанини извори (вештачка трева)
Време: недела (01.03.2015) во 12.00 часот

Општина Охрид додели Решенија за субвенционирање на трошоците за користење на терените на ЈП Билјанини извори. Еден од десетте спортски клубови од Охрид што добија субвенција беше и ФК ОХРИД ТОП ТИМ и истата ќе може да ја користи за покривање на поголемиот дел од трошоците за тренинзи и други активности во текот на 2015 година.


Покрај теренот со вештачка трева кој значително ги подобрува условите за работа на фудбалските клубови, оваа мерка на Општината дополнително го олеснува функционирањето на клубовите и секако ќе придонесе за исполнување на целите кои Општина Охрид ги поставила при донесувањето на одлука за истата:

• Поттикнување на масовниот спорт и спортот воопшто;
  
• Поттикнување на здравјето на граѓаните;
  
• Комуникација, соработка и тимска работа;
  
• Создавање на услови за живеење на младите кои претставуваат движечка сила и промотор на новите вредности.
  

ФК ОХРИД ТОП ТИМ чувствува обврска јавно да се заблагодари на Општина Охрид и ЈП Билјанини извори за нивниот партнерски однос кон нашиот клуб и нивната досегашна несебична поддршка. Веруваме дека во иднина сите заедно ќе придонесуваме кон создавање на подобра иднина за младите од нашиот град.

Одличен спортски ден поминат во дружење со нашите пријатели од ФК Фљамуртари - Струга. Младите фудбалери на ФК ОХРИД ТОП ТИМ одиграа неколку пријателски натпревари со нивните врсници од Струга на теренот со вештачка трева на СРЦ Билјанини извори во Охрид.  

Очекувано, сите натпревари поминаа во пријателска, релаксирана и максимално коректна атмосфера. Присутните имаа можност одблиску да уживаат во мајсториите на фудбалерите од двете екипи и да проследат мошне ефикасни натпревари.

Денес победи ФУДБАЛОТ и ДРУГАРСТВОТО, а беа постигнати следните резултати на натпреварите:

Ген. 2004 ФК ОХРИД ТОП ТИМ - ФК Фљамуртари   7:3
Ген. 2006 ФК ОХРИД ТОП ТИМ - ФК Фљамуртари   4:0
Ген. 2002 ФК ОХРИД ТОП ТИМ - ФК Фљамуртари   3:6
Ген. 2005 ФК ОХРИД ТОП ТИМ - ФК Фљамуртари   0:5

За ФК ОХРИД настапија следните играчи:

Генерација 2002/03: Христијан Китрозоски (2 гола), Климент Гиновски, Емре Дуница, Емре Мустафа (1 гол), Филип Митрески, Петар Љушкоски, Томи Николоски, Николче Целески и Димитар Петров.

Генерација 2004: Кадир Ибрахим, Иво Спироски,  Александар Трпоски, Наум Јаковлев, Мухамед Јахја Шкор (2 гола), Климент Филев, Јусуф Ариф (1 гол), Хадис Рифат, Никола Кречов (3 гола), Филип Филипоски и Марко Крлески (1 гол).

Генерација 2005: Петар Пацески, Стефан Палитов, Иванчо Сотироски, Амар Садикоски, Јусуф Усеин , Халил Ибрахим и Бешир Онур

Генерација 2006: Бешир Онур, Крлески Петар, Лолески Михаил, Шопоски Лео, Сеидоски Мухамед (2 гола), Блажески Валентин (1 гол), Кузманоски Давид (1 гол), Чекреџи Борис, Јахја Џан, Иваноски Јован и Јаковлев Оги.

Уживајте во галеријата од денешниот ден.

ФК ОХРИД ТОП ТИМ ќе одигра неколку пријателски натпревари со екипата на ФК Фљамуртари од Струга во сите возрасни категории (2002/03/04/05/06/07 и помлади).

Натпреварите ќе се играат во сабота (21.02.2015) на СРЦ Билјанини извори на теренот со вештачка трева со почеток од 14.00 часот.

Денес во Велгошти, во организација на спортската сала „Тодор Александров“ се одржа детски турнир во мал фудбал. Околу 100 фудбалерчина од фудбалските клубови Охрид Топ Тим, Еврофудбал 2, Велгошти и Академија Пандев 10 имаа можност да се дружат меѓу себе и да одиграат неколку фудбалски натпревари кои изобилуваа со возбуда, неизвесност, акции, убави и атрактивни фудбалски потези и се разбира многу голови. 
Сите натпревари поминаа во максимално коректна, спортска и релаксирана атмосфера.

Момците од нашата екипа беа најефикасни на турнирот и успеаја во двете генерации да стигнат до финале, но спортската среќа не им беше многу наклонета во финалето, па на крај освоија две втори места.

Беа постигнати следните резултати:

За ФК ОХРИД ТОП ТИМ играа: Бешир Онур, Крлески Петар (1 гол), Лолески Михаил, Шопоски Лео, Сеидоски Мухамед (2 гола), Блажески Валентин (1 гол), Кузманоски Давид, Чекреџи Борис, Наумоски Максим и Мајкиќ Мартин.

За ФК ОХРИД ТОП ТИМ играа: Кадир Ибрахим, Иво Спироски, Мартин Митрески, Александар Трпоски, Наум Јаковлев, Мухамед Јахја Шкор (3 гола), Климент Филев (1 гол), Јусуф Ариф (1 гол), Хадис Рифат, Никола Кречов (2 гола) и Марко Крлески (1 гол).

Голема благодарност до организаторот Спортска сала Тодор Александров во Велгошти што овозможи да бидеме дел од овој турнир и им посакуваме ваквите настани да станат традиционални во иднина.

ФК ОХРИД ТОП ТИМ со задоволство ја прифати поканата на организаторот - Спортска сала „Тодор Александров“ Велгошти, да биде дел од детскиот мини турнир во мал фудбал за играчи од Генерација 2004 и 2006.  
Натпреварите во салата „Тодор Александров“ ќе се играат во недела (15.02.2015) по следниот распоред:

Повелете заедно да уживаме со нашите млади фудбалерчина.

Почетокот на тренинзите во новата календарска година се поклопува со нашата обврска за задолжителни лекарски прегледи што секој член на ФК ОХРИД ТОП ТИМ треба да ги изврши кај доктор специјалист по спортска медицина. Согласно програмските активности на нашата екипа и правилниците на ФФМ овие прегледи се прават на секои четири месеци или најмалку три пати во годината.

Првиот преглед оваа година е закажан во петок (06.02.2015) во ординацијата на д-р Оливер Бојчески, специјалист по спортска медицина, во Струга. 


Присуството на сите фудбалерчина е задолжително.
Здравјето на нашите деца е најважно!