ФК ОХРИД ТОП ТИМ со две втори места на детскиот турнир во мал фудбал во Велгошти (ФОТО)

Денес во Велгошти, во организација на спортската сала „Тодор Александров“ се одржа детски турнир во мал фудбал. Околу 100 фудбалерчина од фудбалските клубови Охрид Топ Тим, Еврофудбал 2, Велгошти и Академија Пандев 10 имаа можност да се дружат меѓу себе и да одиграат неколку фудбалски натпревари кои изобилуваа со возбуда, неизвесност, акции, убави и атрактивни фудбалски потези и се разбира многу голови. 
Сите натпревари поминаа во максимално коректна, спортска и релаксирана атмосфера.

Момците од нашата екипа беа најефикасни на турнирот и успеаја во двете генерации да стигнат до финале, но спортската среќа не им беше многу наклонета во финалето, па на крај освоија две втори места.

Беа постигнати следните резултати:

---

Генерација 2006

Полуфинале
ФИНАЛЕ

ФК ОХРИД ТОП ТИМ - ФК Академија Пандев 10
ФК ОХРИД ТОП ТИМ - ФК Еврофудбал 2

4:1
0:0 (пораз на пенали)

За ФК ОХРИД ТОП ТИМ играа: Бешир Онур, Крлески Петар (1 гол), Лолески Михаил, Шопоски Лео, Сеидоски Мухамед (2 гола), Блажески Валентин (1 гол), Кузманоски Давид, Чекреџи Борис, Наумоски Максим и Мајкиќ Мартин.

Генерација 2004

Полуфинале
ФИНАЛЕ

ФК ОХРИД ТОП ТИМ – ФК Велгошти
ФК ОХРИД ТОП ТИМ – ФК Академија Пандев 10

7:0
2:3

За ФК ОХРИД ТОП ТИМ играа: Кадир Ибрахим, Иво Спироски, Мартин Митрески, Александар Трпоски, Наум Јаковлев, Мухамед Јахја Шкор (3 гола), Климент Филев (1 гол), Јусуф Ариф (1 гол), Хадис Рифат, Никола Кречов (2 гола) и Марко Крлески (1 гол).

Голема благодарност до организаторот Спортска сала Тодор Александров во Велгошти што овозможи да бидеме дел од овој турнир и им посакуваме ваквите настани да станат традиционални во иднина.

Галерија, Детски турнир во мал фудбал, Велгошти 15.02.2015