ФК ОХРИД ТОП ТИМ

Пријавувањето на нови фудбалерчиња е во тек. Сите што сакаат да бидат дел од фудбалската школа на ФК ОХРИД Топ Тим може да дојдат директно на тренинг или да пополнат Пријавен лист и да го пратат на следната електронска пошта:[email protected] 
Информации за запишување може да добиете и на тел. 076 599 995
Следете не на нашата ФБ страна: ФК ОХРИД ТОП ТИМ

Гостин на денешниот тренинг на ФК ОХРИД Топ Тим беше екипата на ФК Караорман од Струга. Нивното пристуство беше искористено за одигрување на неколку тренинг натпревари во мешани возрасни категории. Два натпревари со помладите генерации играа екипите на ФК ОХРИД Топ Тим и ФК Караорман, додека еден тренинг натпревар во повозрасните генерации одиграа две мешани екипи од ФК ОХРИД Топ Тим. Погледнете дел од атмосферата на денешниот тренинг:

Струшката екипа ФК АС Јунајтед денеска беше домаќин на екипата на ФК ОХРИД Топ Тим. На стадионот на Караорман во Струга се играа четири пријателски натпревари помеѓу овие две екипи во различни возрасни категории. „Белите“ беа подобри во три натпревари, а еден натпревар заврши без победник.

Резултати од денешното гостување:

За ФК ОХРИД Топ Тим настапија следните играчи по генерации:

2001/2002: Целески Никола, Крстаноски Горан, Дуница Емре, Гиноски Климент, Јаќимоски Христијан, Јахја Мухамед – Шкор (1 гол), Китрозоски Христијан (2 гола), Љушкоски Јане, Љушкоски Петар.

2003 и помлади: Целески Никола, Љушкоски Петар, Николоски Томи, Мустафа Емре, Гиноски Климент (1 гол), Крлески Марко, Ахмед Осман, Трпоски Александар, Мухамед Јахја Шкор (1 гол).

2005 и помлади: Борозанов Дамјан, Борозанов Андреј, Лолески Михаил, Хусеин Јусуф, Блажески Валентин, Саидоски Мухамед, Балчески Николче (1 гол).

2006 и помлади: Борозанов Дамјан, Лолески Михаил, Бесир Онур, Размоски Дамјан, Крлески Петар, Чекреџи Борис, Блажески Валентин (1 гол), Саидоски Мухамед, Балчески Николче (2 гола)

На покана на фудбалскиот клуб „АС Јунајтед“ од Струга, екипата на ФК ОХРИД Топ Тим ќе гостува во Струга, каде ќе одигра неколку пријателски натпревари со домаќинот во различно возрасни категории. 
Натпреварите ќе се играат во четврток (24.07.2014) на стадионот на Караорман во Струга со почеток од 09.00 часот.

После вчерашното финале од Светското фудбалско првенство, денес, екипите на ФК ОХРИД Топ Тим и нашите домаќини, ФШ „ЛГ“ од Битола, ни приредија уште едно огромно фудбалско уживање играјќи неколку пријателски натпревари на стадионот во Новаци. Многу дечиња истрчаа на теренот и одиграа четири добри натпревари во различни возрасни категории. Победуваа сите. Имаше многу голови, спортска борба, атрактивна игра, фер плеј и се разбира многу дружење и другарување. ФК ОХРИД Топ Тим беше подобар во натпреварите со генерации 2003/4 и помлади и 2006 и помлади, додека Битолчани беа подобри со генерација 2002 и помлади и генерација 2005 и помлади. Голови за ФК ОХРИД Топ Тим постигнуваа Емре Мустафа (2), Петар Љушкоски (1), Мухамед Јахја Шкор (1) и Валентин Блажески (3). Секако, заслужни за тоа се сите момци кои допатуваа во Битола и играа добар фудбал.
Благодарност до ФШ „ЛГ“ од Битола за добрата организација на натпреварите и што ни овозможија денеска да бидиме нивни гости. Беа одлични домаќини.
За да биде целосно уживањето, слободното време што го имаше нашата екипа го искористивме за посета на Зоолошката градина во Битола. Уживајте во галеријата од денешното гостување.

Реномираната фудбалска школа ЛГ од Битола ќе биде домаќин на ФК ОХРИД Топ Тим во понеделник (14.07.2014). 
На нивниот стадион ќе се играат пријателски натпревари во различни возрасни категории.

Денес, на СРЦ Билјанини извори во Охрид се играа пријателски натпревари во повеќе возрасни категории помеѓу екипите на ФК ОХРИД Топ Тим и ФК БОРЕЦ Јуниор од Велес. Момците од двете екипии другаруваа повеќе од два часа при што играа атрактивен фудбал со многу постигнати голови.
Екипата на ФК ОХРИД Топ Тим овие натпревари ги играше во новата спортска опрема „Лескон“ што ја обезбедија бутиците „Ричи“ и спортската продавница „Лескон“. Во името на сите млади фудбалерчиња изразуваме јавна благодарност до нив затоа што несебично го помогнаа нашиот фудбалски клуб, а со тоа и спортот и фудбалот во Охрид. 

ФК ОХРИД Топ Тим ќе игра пријателски натпревари во повеќе возрасни категории со екипата на ФК БОРЕЦ Јуниор од Велес. Натпреварите ќе се играат во Охрид, на СРЦ Билјанини извори (стадионот до градскиот базен), од 10.00 часот.
Попладневниот тренинг од четврток (10.07.2014) ќе биде одложен заради одигрувањето на натпреварите. Следните тренинзи ќе бидат според РАСПОРЕДОТ за месец Јули.

Прекрасен фудбалски ден на СРЦ Билјанини извори. ФК ОХРИД Топ Тим, како домаќин на екипите на ФК Борец Јуниор од Велес и ФК Влазними од Струга, организира неколку фудбалски натпревари во различни возрасни категории помеѓу овие екипи. Околу стотина деца беа присутни на терените, покажувајќи ги своите фудбалски вештини. Се играше во духот на фер плејот, се постигнуваа многу голови и се разменуваа искуства помеѓу екипите. Целта на ова дружење беше да им се овозможи на младите дечиња да играат фудбал и да уживаат во играњето на фудбалот. Резултатите од натпреварите не беа во преден план, па затоа само ќе ги споменеме стрелците на головите од екипата на ФК ОХРИД Топ Тим. Стрелец на два гола во генерација 2002 беше Китрозоски Христијан, а по еден гол во генерација 2005 и помлади постигнаа Мухамед Саидоски и Валентин Блажески. 

Овој фудбалски настан беше збогатен со присуството на г-н Бојан Маркоски, грасрут менаџер во ФФМ и секретар на фудбалската репрезентација на Македонија, кој се дружеше со најмладите и им даваше поддршка на фудбалерињата од трите екипи. Голема благодарност до сите дечиња од екипата на ФК ОХРИД Топ Тим кои се покажаа како одлични домаќини.

Во продолжение можете да ја погледнете и галеријата на слики од денешниот ден.

ФК ОХРИД Топ Тим ќе биде домаќин на „мини“ турнир што ќе се игра на СРЦ „Билјанини извори“ во недела (06.07.2014) во 09.00 часот. 
Домаќинот ќе се натпреварува со екипите на ФК БОРЕЦ Јуниор од Велес и ФК ВЛАЗНИМИ од Струга. Ќе се играат повеќе натпревари во различни возрасни категории.