ФК ОХРИД ТОП ТИМ

Денес, на СРЦ „Билјанини извори“ во Охрид, продолжија натпреварите по групи на меѓународниот фудбалски турнир „Фер плеј куп 2014“.

Генерација 2002 од екипата на ФК ОХРИД Топ Тим играше со лидерот од нашата група ФК Куманово во натпревар што одлучуваше за пласман во елиминационата фаза. На „Белите“ им требаше победа од 2 гола разлика за да обезбедат сигурен пласман понатаму, додека на Кумановчани им одговараше и минимален пораз. Веднаш тргнавме со напади кон противничкиот гол, но беше тешко да се пробие „ѕидот“ што гостите го имаа поставено. Противниците играа цврста одбрана со многу прекршоци и се обидуваа да го загрозат нашиот гол со „избивање“ на топката од нивната половина и контранапади. Во втората половина од натпреварот, после една пресечна топка и грешка во нашата одбрана, бевме во негатива од еден гол. Нашите повторно тргнаа напред и почнаа да создаваат шанси. Најпрво, ударот на Александар Трпоски заврши во пречката, за малку подоцна, после добро изведениот корнер, одличен удар со глава на Христијан Китрозоски да заврши во противничката мрежа со што ги поставиме конечните 1:1. По завршувањето на сите натпревари од групата, единствениот пораз што го имавме од бугарската екипа „Дит“ од Софија се покажа како одлучувачки во нашиот конечен пласман на третото место во групата што не беше доволно за пласман во елиминационата фаза. Мора да им се честита на сите момци што настапија во оваа генерација на турнирот, а тоа се: Никола Целески, Фипип Митрески, Емре Дуница, Емре Мустафа, Христијан Јачимоски, Климент Гиноски, Мухамед Јахја - Шкор, Христијан Китрозоски, Горан Крстаноски, Петар Љушкоски, Јане Љушкоски, Стивен Митрески, Томи Николоски, Тарик Максуд и Александар Трпоски.

Генерација 2005 последниот натпревар на турнирот што го играше со екипата на ФК Шкупи од Скопје го загуби со резултат од 0:3. Нашите најмлади фудбалерчиња изиграа во рамките на она што се очекуваше од нив. За сите нив ова беше прво официјално учество на меѓународен фудбалски турнир и што е уште поважно, истите играа во комбиниран состав од играчи родени 2005, 2006, 2007 и 2008 година и се натпреваруваа во формат на натпревари што не е карактеристичен за оваа генерација. Ова е драгоцено искуство за овие дечиња кои се иднината на нашиот клуб. Она што најмногу не’ радуваше е нивната љубов кон спортот и фудбалот и тимскиот дух што го имаат. Честитки за нивното залагање. За генерација 2005 настапија: Пацески Петар, Хусеин Јусуф, Палитов Стефан, Блажески Валентин, Сеидоски Мухамед, Лолески Михаил, Размоски Дамјан, Балчески Николче и Николоски Матеј.

Следи галеријата од денешниот ден:

Фудбал .. голови ... возбуда ... забава .. дружење!!! Долг, но убав ден денес на СРЦ „Билјанини извори“, најмногу благодарение на момците од ФК ОХРИД Топ Тим. На турнирот игравме со две различни генерациим 2002 и 2005, кои ја оправдаа целта заради која учествуваат на турнирот.

Генерација 2002 одигра два тешки натпревари со екипите на фудбалската академија ДИТ од Софија, Бугарија и ФШ Њу Старс од Скопје. На првиот натпревар со гостите од Бугарија доживеавме пораз од 1:4 иако први поведовме со голот на Мухамед Јахја Шкор. Сепак, тоа не ги поколеба нашите момци да ни приредат многу возбудувања на мечот со екипата на ФШ Њу Старс. Вториот натпревар го почнавме одлучно и со голот на Христијан Китрозоски рано поведовме со 1:0. Потоа следеа две „чисти“ шанси за гол што не успеавме да ги искористиме и да го решиме натпреварот многу порано. Напротив, по направените две грешки во нашата одбрана, гостите го свртеа резултатот во нивна корист и поведоа со 1:2. Но, „Белите“ уште еднаш покажаа карактер и не се откажаа од натпреварот. Тргнаа одлучно напред и со головите на Христијан Јачимоски и Емре Мустафа успеаа да го добијат натпреварот со 2:3 со што ги задржаа шансите за влез во ¼ финале на турнирот. Патникот во следната рунда на натпревари ќе се одлучува на утрешниот натпревар против екипата на ФК Куманово од Куманово.

Генерација 2005 за прв пат учествуваа на силен меѓународен фудбалски турнир. Она што е важно за оваа генерација е тоа што играа во комбиниран состав со играчи родени 2005, 2006, 2007 и 2008 година. И покрај тоа, овие млади фудбалерчиња играа храбро против мошне силната екипа на ФА Постолов Пандев од која загубија со 0:4 и уште подобро против екипата на ФК Еден на еден од Могила на која и дадоа силен отпор и загубија со 0:3. Утре им останува уште еден натпревар против екипата на ФК Шкупи од Скопје.

Погледнете ја галеријата од денешниот ден:

Петок, 22.08.2014

Сабота, 23.08.2014

Организаторот на „Фер плеј Куп“ 2014, на својата фејсбук страна, ги објави пријавените екипи во генерации 2002 и 2005 како и правилата за натпреварување. Очекуваме да биде објавен и распореот на натпреварите.

Натпреварите по групи, баражите за четвртфинале и четвртфиналињата се играат по едно полувреме од 25 минути. Полуфиналињата и финалињата се играат 2 полувремиња по 15 мин.

Се вкрстува на следниот начин:

Генерација 2002
1/4 финале: А1 - Б2* против Б1 - А2* (го даваат првиот полуфналист)
1/4 финале: Ц1 - Д2* против Д1 - Ц2* (го даваат вториот полуфналист)
*1/8 финале: најслабо пласирана втора екипа по групи со третопласираната од група Д

Генерација 2005
1/4 финале: А1 - Б2 против Б1 - А2 (го даваат првиот полуфналист)
1/4 финале: Ц1 - Д2 против Д1 - Ц2 (го даваат вториот полуфналист)

У-12: ФК ОХРИД Топ Тим - ФК Работнички Скопје 3:1 (1:1)
Место: Главен терен СРЦ „Билјанини извори“ Охрид

За ФК ОХРИД Топ Тим играа: Никола Целески, Фипип Митрески, Емре Дуница, Емре Мустафа, Христијан Јачимоски, Климент Гиноски, Мухамед Јахја - Шкор, Христијан Китрозоски, Горан Крстаноски, Петар Љушкоски, Јане Љушкоски, Томи Николоски, Тарик Максуд.
Стрелци за ФК ОХРИД Топ Тим: Емре Мустафа, Климент Гиноски и Христијан Китрозоски.

Врвен фудбал денеска на главниот терен на СРЦ „Билјанини извори“ во Охрид. Гостин на У-12 екипата на ФК ОХРИД Топ Тим беше далеку пореномираната екипа на ФК Работнички од Скопје. 
Одличните услови за фудбал само допринесоа до израз да дојде квалитетот на двете екипи. Гостите го започнаа натпреварот посигурно и го имаа почетниот притисок врз голот на „Белите“. Таквата игра ги принуди домаќините кои дотогаш одлично се бранеа да направат прекршок во близина на казнениот простор. „Црвените“ изведоа одличен слободен удар кој резултираше со погодок со кој го отворија резултатот. Сепак, водството на гостите не ги обесхрабри момците од нашиот тим. Од тој момент, нашата игра стана посигурна и почнавме полека да ја неутрализираме играта на реномираниот противник. Се редеа напади и шанси пред противничкиот гол штп не успевавме да ги искористиме. Добрата и сигурна игра беше наградена пред крајот на првото полувреме кога по одбиената топка од ударот на Христијан Китрозоски на право место се најде Емре Мустафа кој прецизно стрелаше во противничкиот гол. На полувреме се отиде со резлутат 1:1.
Второто полувреме продолжи со добра игра на двете страни. Се редеа шанси и на едната и на другата страна. „Белите“ продолжија со агресивна и сигурна игра што ги принудуваше гостите на грешки. После еден прекршок пред противничкиот гол беше досуден слободен удар за домашните. Слободниот го изведе Климент Гиноски кој со прекрасен удар успеа да го совлада противничкиот голман и да донесе водство за „Белите“. Точка на натпреварот стави Христијан Китрозоски кој со својот погодокот го зголеми водството на 3:1 што на крај се покажа како конечен резултат. Во продолжение погледнете ја галеријата од натпреварот.

Продолжуваме во натпреварувачки ритам. Како дел од подготовките за следната сезона, во вторник (19.08.2014), екипата на ФК ОХРИД Топ Тим ќе одигра пријателски натпревари со реномираната екипа на ФК Работнички од Скопје и тоа со генерациите 2002 и помлади и 2003 и помлади.
Натпреварите ќе се играат на СРЦ „Билјанини извори“ во Охрид со почеток во 18.00 часот.

Почитувани родители,

ФК ОХРИД Топ Тим закажува состанок со родителите на сите членови на фудбалската школа од овој клуб, што ќе се одржи во четврток (14.08.2014) во 19.30 часот (по тренингот) во кафе бар „Офсајд“ во спортската сала „Билјанини извори“.

Ќе се дискутира по следниот 

  1. Информација за текот на работењето на школата
  2. Презентирање на програмата за работа до крајот на 2014
          - Тренинзи
          - Учество на „Ферплеј куп“ Охрид 2014
          - Учество на „ЛГ Куп“ Битола
          - Учество во детската лига што ја организира ФФМ
  3. Спортска опрема
  4. Разно

Контактирајте не’ на следниот тел: 076/599-995 (Наум Јанкуловски) или на нашата електронска пошта: ohridtoptim@gmail.com доколку Ви се потребни дополнителни информации во врска со состанокот.

Ве молиме за Ваше присуството.

Со почит,

ФК ОХРИД Топ Тим

Денес на СРЦ „Билјанини извори“ во Охрид се одигра пријателски натпревар помеѓу екипите на ФК ОХРИД Топ Тим од Охрид и ФК Влазними од Струга. Двете екипи одиграа мошне квалитетен натпревар со генерација 2002 и помлади кој на крајот заврши нерешено со резултат 2:2. Иако домашната екипа на два пати поведуваше, сепак Стружани успеваа да одолеат на постојаниот притисок и го стигнуваа водството на „Белите“. Како предигра на овој натпревар, се одигра и еден меч помеѓу помладите генерации од двата тима (2005 и помлади) што го добија гостите.
Во прилог може да ја погледнете галеријата од денешните натпревари:

Согласно предвидениот распоред на активности на ФК ОХРИД Топ Тим, на 12.08.2014 (вторник) во 17.30 часот е закажан пријателски натпревар со екипата на ФК Влазними од Струга во повеќе возрасни категории. Натпреварите ќе се играат на помошното игралиште на СРЦ „Билјанини извори“ во Охрид.