ФК ОХРИД ТОП ТИМ

Викендов, на теренот на ФК Караороман во Струга се одиграа натпреварите од ФФМ Детската фудбалска лига. „Белите“ во сите генерации играа силни натпревари со квалитетни противници, во кои не изостана нашата ефикасна игра.

Генерација 2008 го одигра најефикасниот натпревар поставувајќи висока победа над кичевска Ускана. Генерација 2006 пропушти сигурно водство од два гола разлика во последните секунди од мечот и изигра без победниk со Кораб од Дебар, додека во тромечот со ФК Фљамуртари со ген. 2004, 2005 и 2007 подборо се снајдоа радолиштани кои го неутрализираа нашето водство и со пресврт стигнаа до победи. За пофалба е и залагањето на ген. 2009 која создаде повеќе шанси но само еднаш стрелаше во поразот од Ла масиа.

На покана на Општина Ресен, во рамките на манифестацијата Преспански јаболкобер 2016, ФК ОХРИД ТОП ТИМ повторно беше дел од Меморијалниот младински фудбалски турнир „Благој Котларовски – Баги“. Традиционално на турнирот играат екипи претставници на градовите Ресен, Битола, Прилеп и Охрид. „Белите“ одиграа два одлични натпревари и стигнаа до своето седмо одличје на младинските фудбалски турнири.

Најпрво, во полуфиналето во една убава и доминатна игра со домаќинот Тоталфудбал од Ресен, нашите немаа среќа да постигнат погодок и на крај натпреварот заврши без победник 0;0. Ресенчани подобро се снајдоа на изведувањето на пеналите, со што нашите влегоа во борба за трето место против битолски Пелистер. Повторно видовме убава игра на нашите фудбалери кои овој пат беа многу поубедливи пред противничкиот гол и успеаа да потигнат три погодоци за сигурна победа од 3:1. Тоа беше доволно за трето место на турнирот и нов трофеј за „Белите“.

Честитки за сите наши фудбалери што ги бранеа боите на Охрид на овој традиционален младински фудбалски турнир. Благодарност и до домаќинот Општина Ресен и ФК Тотал фудбал Ресен за поканата и за нивното убаво гостопримство и грижа за нашите фудбалери.

ФК ОХРИД ТОП ТИМ беше домаќин во четвртото коло од ФФМ У-15 младинската лига на ФК Оск фер плеј. Се играше тврд натпревар во кој на крајот се радуваа „Жолтите“ кои стрелаа во нашата мрежа во вториот дел од натпреварот. Мора да им се честита на сите наши играчи за залагањето особено ако се има во вид дека на овој меч бевме ослабнати со неиграње на дел од нашите стандардни играчи, а дел од фудбалерите, иако настапија повредени „стиснаа заби“ и помогнаа на своите соиграчи да одиграат добарнатпревар.

Трет натпревар во само една недела за охридски „Бели“ во рамките на младинската У-15 фудбалска лига. Во рамките на третото коло од лигата ФК ОХРИД ТОП ТИМ гостуваше во Струга каде одигра меч со ФК Влазними. Второто гостување во само четири дена се одрази на играта на „Белите“ кои иако доминираа на натпреварот, не успеаа да се вратат со целиот плен.

​Првото полувреме се играше попретпазливо на двете страни и заврши без голови. Вториот дел нашите ја презедоа иницијативата и успеаа да создат неколку изгледни ситуации за гол кои не ги искористивме по што по една контра по наша грешка, противнокот не казни и постигна погодок. Охриѓани почнаа уште повеќе да напаѓаат и создадоа дури три ситуации со шут од скратен корнер кои за жал не ги искористивме, за да со погодок пред крајот на мечот го изедначиме резултатот за конечни 1:1. Повторно останува да жалиме за пропуштените прилики и бодови но мора да бидеме задоволни од играта и залагањето што го прикажуваат нашите млади фудбалери.

ФК ОХРИД ТОП ТИМ не можеше ни да посака подобар старт на новата сезона од ФФМ Детската фудбалска лига. Денес, на СРЦ Билјанини извори во Охрид нашите фудбалери имаа сто отстотен учинок и со четири победи во исто толку натпревари во различни возрасни категории одлично ја отворија новата натпреварувачка сезона.

Серијата успешни резултати најпрво ја навести генерација 2006 која играше против ФК Ла Маса од Охрид. Уште во првото полувреме нашите со доминатна игра и 10 погодоци во мрежата на противникот покажаа дека денес ќе имаат лесна задача. Во вториот дел, шанса за игра добија играчите кои имаат помала минутажа и тоа одлично го искористија со нови 5 погодоци во мрежата на противникот за конечни и убедливи 15:1.

По нив следеше натпревар на генерација 2009 која играше против комбиниран тим од ген. 2008/09 од ФК Ускана од Кичево. По почетното водство на кичевчани, нашите со два погодоци се вратија во игра и го свртеа резултатот. Кичевчани повторно заводеа со 2:3, по што следеше одлична игра игра на нашите со постојан притисок на противничкиот гол при што нашите најмали постигнаа дури 7 погодоци за убава победа од 7:4.

Успешанта и ефикасна серија победи ја затвори генерација 2004 која  исто така доминираше во езерското дерби со струшки Караорман и 8 пати стрелаше во мрежата на противникот за убедливи 8:3.

Генерација 2008 имаше натпревар со радолишки Фљамуртари Б. Нашите момци мошне одлучно влегоа во натпреварот и создадоа низа шанси кои не ги искористија пред противничкиот гол. Пред крајот на полувремето, по реакција на нашата екипа дека во тимот на Фљамуртари играат играчи кои немаат право да настапуваат во екипата, радолиштани наместо да ги направат потребните замени, се одлучија на исклучително непопуларен потег целосно да ја повлечат својата екипа од натпреварот и да не го доиграат.

На крај, останува да им честитаме на сите наши фудбалерчина кои гордо и со голем успех ги бранеа боите на ОХРИД ТОП ТИМ.

Попладнево, на градскиот стадион во Дебар, екипата на ФК ОХРИД ТОП ТИМ гостуваше на екипата на Кораб од Дебар каде се одигра првенствен натпревар од Младинската У-15 лига - Езерски регион. Охриѓани одиграа одличен и ефикасен меч и ја забележаа првата победа во рамките на новото натпреварување. Уште во првото полувреме „Белите“ покажаа класа и постигнаа четири погодоци во мрежата на домаќинот, за во вториот дел да го зголемат водството на 0:6. Пред самиот крај на натпреварот, нашите фудбалери се опуштија што резултираше со еден погодок од најстрога казна и еден од игра за дебрани и конечни 2:6. За одбележување е ефикасната игра на Енис Дани кој постигна пет погодоци за охриѓани, а еднаш во листата на стрелци се запиша и Петар Војдиноски.

ОХРИД ТОП ТИМ ги започна натпреварите во регионалната младинска У-15 лига што ја организира ФФМ. Првиот натпревар на домашен терен го игравме против минатогодишниот шампион во регионалната лига во ген. 2002, екипата на радолишки Фљамуртари. „Белите“ добро го отворија натпреварот и уште  на почетокот имавме стопостотна шанса во која нашиот напаѓач Енис Дани откако излезе очи во очи со гостинскиот голман не се снајде најдобро и не успеа да го совлада. Нашата почетна иницијатива не успеавме да ја ефектуираме и потоа следеша казна од противникот кој по една сомнителна судиска одлука дојде во водство. По овој погодок, охриѓани продолжија со недоволно организирана игра и направија серија грешки што резултираше со зголемување на водството на радолиштани од 0:3.

Вториот дел почнавме далеку поодговорно и со погодокот на резервистот Стивен Митрески на асистенција на Стефан Крстески, нашите намалија на 1:3. По овој погодок заигравме уште поангажирано и по една одлична соло акција на Стефан Крстески, одличната шанса ја искористи Енис Дани кој намали на 2:3. За кратко време, следеше уште една одлична прилика по која можевме да изедначиме, кога Енис Дани уште еднаш излезе очи во очи со противничкиот голман и повторно немаше завршница. Веднаш следеша казна од противникот и зголемување на водството од 2:4. Нашите не се предаваа и преку Стивен Митрески уште еднаш намалија на 3:4 но немаше доволно време за конечен пресврт. Останува да жалиме за лошото прво полувреме и за испуштената шанса да ја отвориме лигата со поповолен резултат.

Викендов, на терените во Битола и Новаци се одржа петтото јубилејно издание на ЛГ Куп 2016 во организација на ФК ЛГ Спорт Битола. „Белите“ со три генерации и повеќе од 30 деца учествуваа на ова натпреварување. Одлична можност да се надигруваме со нашите врсници од останатите екипи од и надвор од Македонија. Одигравме силни натпревари со добри противници, а со две генерации се надигрувавме и во елиминацискиот дел од турнирот.

​Ген. 2004 иако некомплетна изигра одличен фудбал во групата со Пелистер Битола  и Букорица од Србија. Двата натпревари ги добија притивниците со 0:2 и 2:4. Во 1/8 финалето од турнирот, нашите фудбалери беа елиминирани од охридски Оск Фер Плеј со 0:2.

Ген. 2006 играше неколку добри натпревари со силни противници. Во групната фаза извојувавме убедлива победа против ФК Липовица Белград , Србија од 0:4. Останатите два натпревари  во група од оваа генерација им припаднаа на ЛГ Спорт и Перак со 0:4 и 0:2. Четвртфиналниот натпревар нашите го играа против битолск ЛГ Спорт. Одигравме добро и ја неутрализиравме играта на противникот, а при тоа не искористивме и неколку шанси, па во регуларниот дел натпреварот заврши без победник со 0:0. Пенал рулетот беше таличен за „Розевоцрните“ кои продолжија понатака со 2:3.

Резултатски одлично помина генерација 2007 која на терен извојува една победа и изигра два нерешени натпревари со само еден пример гол. Несреќа за „Белите“ беше што во текот на патувањето од Битола од Охрид од објективни причини задоцнивме на првиот натпревар 15 минути. Битолски Пелистер се согласи да го игра натпреварот со нашите фудбалери што го добивме со 1:0. Сепак, организаторот ЛГ Спорт одлучи, поради доцнење, натпреварот да биде регистриран службено во корист на Битолчани. Одличен натпревар игравме против силната екипа на Руданка, Босна и Херцеговина. Водството од 1:0 го испуштивме во последните секунди од првото полувреме и натпреварот заврши со конечни 1:1, а без голови одигравме со ФК ЛГ Спорт Битола.

Честитки до домаќинот на турнирот г-н Лазе Гаштаров кој петта година по ред организира добри меѓународни младински фудбалски турнири и благодарност за неговиот секогаш коректен и пријателски однос со нашата екипа. Се гледаме следната година.

​Генерација 2004 – Терен Новаци 
03.09.2016    09.15    ФК ОХРИД ТОП ТИМ – ФК Пелистер
03.09.2016    10.45    ФК ОХРИД ТОП ТИМ – ФК Букурица
04.09.2016    09.00/09.45    ¼ Финале
04.09.2016    11.15    ½ Финале
04.09.2016    13.30    Финале

Генерација 2006 – Терен Новаци 
03.09.2016    11.30    ФК ОХРИД ТОП ТИМ – ФК Липовица
03.09.2016    14.30    ФК ОХРИД ТОП ТИМ – ФК ЛГ Спорт
04.09.2016    10.30    ФК ОХРИД ТОП ТИМ – ФК Тотал Фудбал
04.09.2016    12.00/12.45    ¼ финале
04.09.2016    14.15    ½ финале
04.09.2016    15.00    Финале

Генерација 2007 – Терен со вештачка трева Битола 
03.09.2016    08.30    ФК ОХРИД ТОП ТИМ – ФК Пелистер 2
03.09.2016    10.00    ФК ОХРИД ТОП ТИМ – ФК Руданка 
04.09.2016    08.30    ФК ОХРИД ТОП ТИМ – ФК ЛГ Битола 
04.09.2016    10.15    ½ Финале 
04.09.2016    11.15    Финале