Охриѓани гости во Велешта и Струга

Уште еден ден исполнет со многу фудбал, дружење и убаво расположение, како што впрочем и навикнавме со нашите момци. „Белите“ беа гости на нашите пријатели - ФК Фљамуртари во Струга и ФК Велешта во Велешта. Се одиграа неколку пријателски натпревари во максимално спортска и пријателска атмосфера. Домаќините се погрижија сите натпревари да поминат во најдобар ред, а младите фудбалери од сите екипи возвратија со одлични и возбудливи фудбалски партии, многу голови и убави фудбалски потези.
​Беа постигнати следните резултати:​

• ФК ОХРИД ТОП ТИМ (2002) - ФК Велешта (2002)              3:4
• ФК ОХРИД ТОП ТИМ (2004) - ФК Велешта (2004)              3:1
• ФК ОХРИД ТОП ТИМ (2005) - ФК Фљамуртари (2005)      4:0
• ФК ОХРИД ТОП ТИМ (2006) - ФК Фљамуртари (2005)      3:6
• ФК ОХРИД ТОП ТИМ (2007) - ФК Фљамуртари (2007)      2:2

Во името на сите наши фудбалери им се заблагодаруваме на нашите домаќини и пријатели за нивното гостопримство.

---