Скопски Њу Старс шампионски на ТРОФЕЈ ОХРИД ТОП ТИМ 2017 со генерација 2002

ФК Њу Старс (2002) - шампиони на ТРОФЕЈ ОХРИД ТОП ТИМ 2017

Комплетирани натпреварите во У-15 (2002) категорија на ТРОФЕЈ ОХРИД ТОП ТИМ 2017. На наше огромно задоволство имавме можност да следиме 10 исклучително квалитетни фудбалски натпревари во пионерска категорија. Актери на овие мечеви беа младите фудбалери од Охрид, Велес, Куманово, Струга и Скопје. Најквалитетен фудбал играа момците од ФК Њу Старс од Скопје кои доминираа во сите мечеви и остварија чисти и сигурни 4 победи и го заслужија насловот шампиони на ТРОФЕЈ ОХРИД ТОП ТИМ 2017. Нашите фудбалери имаа одлични 4 натпревари во кои остваривме убедлива победа против Велешани и имавме два минимални порази во исклучително возбудливи натпревари со Куманово и Караорман. Единствено резултатски потфрливме против скопјани и им дозволивме лесна победа.

​Останува да им честитаме на сите екипи што беа дел од овогодинешниот турнир со генерација 2002 и кои ни понудија натпревари за вистински фудбалски сладокусци. Беше вистинско уживање да се следат фудбалските вештини на овие млади фудбалери кои на крај сите заслужено беа наградени со Пехари кои ќе ги красат нивните клупски витрини.

Погледнете ги комплетните резултати на турнирот - ТРОФЕЈ ОХРИД ТОП ТИМ 2017

---