ФК ОХРИД Топ Тим ќе биде дел од хуманитарната акција „За посреќно детство’

ФК ОХРИД Топ Тим ќе биде дел од низата активности со хуманитарен предзнак и општествено значење што на 4-ти октомври (сабота) ги организираат Црвен крст од Охрид и Општина Охрид. На традиционалната хуманитарна и спортско - рекреативна акција „За посреќно детство“, младите ќе ги презентираат своите спортски вештини и способности преку натпреварување во бројни спортски дисциплини и културно-забавни содржини.
Најавени се голем број награди и изненадувања, како и бесплатни стоматолошки прегледи за посетителите и учесниците во оваа акција.
Манифестацијата ќе се реализира на платото пред Центарот за култура „Григор Прличев“ и централно градско подрачје.

---