ФФМ Детска лига: Ефикасно трето коло за охридските „Бели“

ФК ОХРИД ТОП ТИМ одигра четири натпревари во третото коло од ФФМ Детската лига. Повторно следевме одличен фудбал со многу постигнати погодоци. Најефикасни ова коло беа момците од генерација 2007 кои со двоцифрен број на голови ја совладаа екипата на Кораб од Дебар. Мошне ефикасен и убедлив натпревар одиграа и нашите најмали фудбалери од генерација 2010 кои со шест погодоци во противничката мрежа ја совладаа екипата на ФК Оск Фер плеј.

Очекувано, мошне добар натпревар одигра и генерација 2006 со охридски Вардар кој оваа сезона е засилен со неколку играчи од струшки Караорман. Пропуштеното водството, многуте неискористени шанси кои ги создадовме, а на моменти и некоректното судење со кое директно се влијаеше на резултат, не чинеа минимален пораз од 1:2. Добар меч одигра и генерација 2005 каде постигнавме два гола и не искористивме еден пенал против Кораб од Дебар кој на крај го доби мечот со 2:4.

​Честитки за сите наши фудбалери за нивното однесување, залагање и одлична игра.