ОХРИД ТОП ТИМ без пораз во натпреварите од третото пролетно коло од ФФМ Детската фудбалска лига

„Белите“ одиграа неколку одлични натпревари во третото пролетно коло од ФФМ Детската фудбалска лига. Натпреварите се играа во два дена во текот на викендов на теренот на ФК Караорман во Струга. Првиот ден се играа два лесни и релаксирани натпревари каде нашите фудбалери беа исклучително расположени за постигнување на голови. Генерација 2004, очекувано, без поголем напор, лесно и со голем број погодоци ја совлада Академија ИГМ. Двете екипи на ФК ОХРИД ТОП ТИМ од генерација 2005 играа меѓусебен натпревар кој помина во една исклучително релаксирана атмосфера и без поголема натпреварувачка тензија. Момците од двата тима играа како на „тренинг“ и постигнаа поголем број на погодоци со што значително ги зголемија шансите за пласман на едно од местата што водат на фајнл фор турнирот.
​
Денес се играа натпреварите во генерација 2006. „Белите“ одигра мошне добар натпревар против Академија Пандев 10 од Охрид. Иако доминиравме во текот на целиот натпревар, нашите успеаја само два пати да ја погодат противничката мрежа за конечни 2:2. Генерација 2002 одигра против радолишки Фљамуртари во меч во кој повторно не успеавме да реализираме неколку изгледни ситуации, а воедно промашивме и ситуација „скратен корнер“. На крај, натпреварот заврши со резултат 0:0.

Натпреварот во генерација 2007 од ова коло, што ОХРИД ТОП ТИМ требаше да ги игра со Евро фудбал 2 Вардар е одложен, а терминот за одигрување дополнително ќе биде закажан.

---